Inktober: smá stund til að teikna á hverjum degi
Blekflaska, nokkrar blaðsíður og tilefni til að byrja. Október er góður mánuður til að gefa teikningu pláss í hversdeginum.
Hvað er Inktober?
Inktober hófst árið 2009 þegar teiknarinn Jake Parker setti sér það markmið að teikna reglulega með bleki, bæta færni sína og koma sér upp góðri teiknivenju. Síðan hefur það orðið að árlegri hefð víða um heim, þar sem fólk teiknar út frá nýju hugmyndaorði á hverjum degi í október og deilir eigin túlkun.
Þú þarft ekki að vera reyndur teiknari til að vera með. Lítil teikning í horni blaðsíðu er alveg jafn gild og mynd sem þú hefur unnið að í marga klukkutíma. Það skemmtilega er að grípa aftur og aftur í skissubókina og sjá hvað verður til á einum mánuði.
Lestu meira um upphafið á opinberri vefsíðu Inktober.
Hvernig tek ég þátt?
- Veldu penna eða pensil og blek og teiknaðu mynd. Það má alveg byrja á léttri blýantsskissu.
- Notaðu orð dagsins sem útgangspunkt ef þú vilt, eða fylgdu eigin hugmynd.
- Deildu teikningunni með einhverjum. Á samfélagsmiðlum geturðu notað #inktober og #inktober2026; það er líka nóg að sýna vini myndina.
- Finndu takt sem hentar þér. Hefðin er að teikna daglega, en þú getur líka verið með annan hvern dag eða einu sinni í viku.
Leiðbeiningar Inktober gefa svigrúm fyrir ólíkar nálganir, meðal annars liti, leturteikningu og stafræna vinnu. Þú getur haldið þig við svart blek eða valið annan lit til að kanna út mánuðinn.
Lítil æfing í að horfa og skapa
Eitt það skemmtilegasta við Inktober er að líta á teikninguna sem skapandi æfingu. Eitt orð gefur þér upphafspunkt, en framhaldið er þitt. Þú getur prófað hugmynd, farið aðra leið daginn eftir og smám saman fundið þitt eigið myndmál.
Með bleki má kanna margt með fáum áhöldum. Nokkrar þéttar línur geta gefið til kynna skugga og breiður flötur af þynntu bleki getur gefið formi þunga. Að skilja hluta pappírsins eftir auðan getur skipt jafn miklu máli og að bæta við striki. Og þar sem erfitt er að stroka blek út getur óvænt lína orðið upphaf að einhverju nýju.
Úr skissubókum Önnu C. Leplar
Teikningarnar hér eru eftir Önnu C. Leplar, kennara hjá okkur sem sérhæfir sig í blekteikningu. Þær sýna hversu fjölbreytt blekteikning getur verið: hrynjandi strika í landslagi, afslöppuð stelling hunds eða andlit mótað með fáeinum línum og skuggaflötum.
Í hversdeginum er nóg af myndefni. Þú þarft ekki að bíða eftir stórbrotnu útsýni eða fullkominni hugmynd til að opna skissubókina.
Orð dagsins í Inktober 2026
Hér er opinber orðalisti Inktober fyrir árið 2026, ásamt íslenskum þýðingum okkar til leiðsagnar. Sum ensku orðanna hafa fleiri en eina merkingu og þýðingarnar eru aðeins mögulegir útgangspunktar. Orð getur kallað fram hlut, minningu, persónu eða einfaldlega form. Hluti af skemmtuninni er að sjá hversu ólíkt fólk túlkar sama orðið.
- 01. okt.AppleEpli
- 02. okt.RelicMinjar / forngripur
- 03. okt.MiniatureSmámynd / smækkuð útgáfa
- 04. okt.CactusKaktus
- 05. okt.SmackSkellur / löðrungur
- 06. okt.OgreMannæturisi / tröll
- 07. okt.PanicOfsahræðsla
- 08. okt.StinkyIlla lyktandi
- 09. okt.RamHrútur / reka á
- 10. okt.MysticalDulrænn
- 11. okt.RescueBjörgun / bjarga
- 12. okt.TossKasta
- 13. okt.FlimsyVeikbyggður / þunnur
- 14. okt.LadyDama / kona
- 15. okt.HoorayHúrra
- 16. okt.GanglyLanglimur og klunnalegur
- 17. okt.ContraptionFurðulegt tæki
- 18. okt.FlightlessÓfleygur
- 19. okt.ConfusedRinglaður
- 20. okt.LoungeSetustofa / slaka á
- 21. okt.HeroHetja
- 22. okt.BeaconViti / leiðarljós
- 23. okt.DapperVel til fara
- 24. okt.BakeBaka
- 25. okt.FractureBrot / sprunga
- 26. okt.ZipRennilás / þjóta
- 27. okt.DumbHeimskur / málvana
- 28. okt.TrophyVerðlaunagripur
- 29. okt.TuskSkögultönn
- 30. okt.CookieSmákaka
- 31. okt.FlexSpenna vöðva / sýna sig
Opinber orðalisti 2026: Inktober. Íslenskar þýðingar: Myndlistarvöruverslunin. Skoðaðu upprunalegu tilkynninguna eða opinberar leiðbeiningar og orðalista.
Hvaða blek hentar þér?
Þú getur byrjað með því sem þú átt nú þegar. Ef þig langar að prófa blek á flösku bjóðum við meðal annars þessar tvær línur, sem henta ólíkum vinnuaðferðum.
Rohrer & Klingner sketchINK · 50 ml
Pigmentblek sem er sérstaklega þróað fyrir lindarpenna en hentar einnig með dýfipennum og penslum. Blekið er vatnshelt þegar það hefur þornað og hefur gott ljósþol. Það hentar því vel þegar þú vilt mála yfir teikninguna með þunnum litlögum eftir að línurnar eru orðnar þurrar.
Prófaðu það í hraðskissur, smáatriði í byggingum eða litla teikningu á meðan þú bíður eftir kaffinu.
Rohrer & Klingner Antiktusche · 100 ml
Antiktusche, einnig þekkt sem Antique eða Traditional Ink, inniheldur akrýlbindiefni sem gerir blekið þolið gegn vatni og núningi eftir þornun. Það hentar vel til að teikna með dýfipenna, vinna með letur og gera frjálsleg pensilför.
Prófaðu að sameina fínar línur og breið pensilför í sömu teikningu. Veldu sketchINK ef þú ætlar að nota lindarpenna.
Leyfðu blekinu að þorna alveg áður en þú málar yfir það og prófaðu samspil efnanna á pappírnum sem þú ætlar að nota. Hreinsaðu áhöld eftir notkun og fylgdu leiðbeiningum framleiðanda pennans um umhirðu.
Skissubók og pensill
Mánuðurinn í einni bók
Venezia-skissubókin frá Fabriano, með saumuðu bandi og 200 g/m² Accademia-pappír, er einn kostur úr hillunum okkar til að halda teikningunum saman. Dagsettu hverja síðu og skildu eftir svolítið pláss fyrir athugasemdir um blekið eða aðferðina sem þú prófaðir.
Ef þú ætlar að nota mikið vatn er gott að velja pappír ætlaðan fyrir vatnslitamálun. Lítil prufa aftast í bókinni sýnir þér hvernig blekið hegðar sér á pappírnum.
Leyfðu áhaldinu að hafa áhrif á teikninguna
Penni beinir athyglinni að línum. Með pensli geturðu unnið með breiðari för, dökka fleti og mýkri tóna. Prófaðu að teikna sama litla viðfangsefnið með hvoru áhaldi og taktu eftir því hvað breytist.
Lítill hringlaga pensill er góður til að byrja með. Hafðu vatnskrukku og tusku við höndina og skolaðu pensilinn áður en blekið þornar í hárunum.
Okkur þætti gaman að sjá hvað verður til í skissubókinni þinni. Merktu @artsuppliesis þegar þú deilir teikningunum þínum eða sýndu okkur uppáhaldssíðuna næst þegar þú kemur við.
20% afsláttur af öllu bleki frá Rohrer & Klingner
Til og með 31. október 2026 bjóðum við 20% afslátt af öllu bleki frá Rohrer & Klingner, þar á meðal sketchINK og Antiktusche.
Hvort sem þú tekur þátt í Inktober eða vilt einfaldlega gefa þér meiri tíma til að teikna er þetta gott tækifæri til að endurnýja uppáhaldsblekið eða prófa lit sem hefur vakið forvitni þína.
Skoða blek frá Rohrer & Klingner
1 comment
Langar aftur að nota oliustaukur fra sennilier sem eg keyfyi i Paris 1991…Kvetjandi auglysing