Hvaða olíuliti á að velja?

Góðir olíulitir gera vinnuna við pallettuna að ánægju. En hvenær er skynsamlegt að velja AKADEMIE, hvað færðu með NORMA Professional og af hverju erum við svona spennt fyrir MUSSINI?

Þessar þrjár línur frá Schmincke hafa hver sína kosti. Hér hjálpum við þér að velja eftir því hvernig þú málar, hversu mikið þú notar og hverju þig langar að kynnast næst. Og svo tökum við fyrir eina spurningu sem kemur reglulega upp í versluninni: þetta blýhvíta sem einhver á YouTube sagði að þú þyrftir endilega að eiga.

Finndu línuna sem hentar þér

Góð byrjun · góð kaupAKADEMIE Öl ColorFyrir nám, reglulega málun og þig sem vilt gott magn af vönduðum olíulitum á viðráðanlegu verði. Meiri litstyrkur · fleiri möguleikarNORMA ProfessionalFyrir þig sem vilt ríkulegt litarefnisinnihald, fjölbreytt litaval og mjúka, smjörkennda áferð. Úrvalsgæði · fáanlegir í settumMUSSINILúxusvalið okkar: olíu- og trjákvoðulitir með einstakri dýpt, ljóma og spennandi möguleikum í gegnsæjum lögum.

Schmincke AKADEMIE · 60 og 200 ml

AKADEMIE: góðir litir til að mála mikið

AKADEMIE er okkar tillaga þegar þú vilt góða olíuliti og halda kostnaðinum í hófi. Línan hentar vel fyrir fyrstu málverkin, nám og reglulega vinnu á vinnustofunni. Stærri túpurnar eru líka þægilegar þegar mikið fer af ákveðnum lit.

Málningin er þykk en mjúk í vinnslu. Í línunni eru bæði þekjandi og gegnsæir litir, og allir hafa 4 eða 5 stjörnur í ljósþolsflokkun Schmincke. Þú getur því valið liti fyrir þétta fleti, litablöndun og þunn, gegnsæ litalög.

Nafnið þýðir ekki að þú þurfir að leggja túpurnar til hliðar um leið og þú verður öruggari með pensilinn. AKADEMIE getur áfram verið góður grunnur á pallettunni, líka þegar þú bætir við litum úr öðrum línum.

Skoða AKADEMIE 60 ml Skoða AKADEMIE 200 ml

Schmincke AKADEMIE Öl Color olíulitur í 60 ml túpu. — Góður grunnur fyrir fyrstu verkin og áframhaldandi málun.

Schmincke NORMA Professional · 35 ml og valdir litir í 200 ml

NORMA Professional: þegar málningin sjálf skiptir meira máli

NORMA Professional er okkar meðmæli þegar þú vilt fjárfesta í litsterkum olíulitum fyrir markvissa málun. Hátt litarefnisinnihald og mjúk, smjörkennd áferð gera línuna áhugaverða fyrir litablöndun, fínleg litaskipti og greinileg pensilför.

Litavalið er víðara en í AKADEMIE og gefur meira svigrúm til að finna ákveðin litarefni og tóna. Allir litirnir hafa 4 eða 5 stjörnu ljósþol samkvæmt Schmincke. Framleiðslan fær líka sinn tíma: litirnir eru malaðir á þriggja valsa myllum og látnir hvíla í þrjá mánuði áður en þeir fara á túpur.

Þú þarft ekki að mála í atvinnuskyni til að velja NORMA. Ef þú hefur gaman af að blanda liti, leita að nákvæmum tónum og finna hvernig málningin svarar penslinum, er þetta lína sem vert er að kynnast.

Skoða NORMA Professional 35 ml Skoða NORMA Professional 200 ml

Schmincke NORMA Professional olíulitur í 35 ml túpu. — Mikið litarefnisinnihald og smjörkennd áferð fyrir nákvæma vinnu með lit.

AKADEMIE eða NORMA: hvar finnurðu muninn?

Með AKADEMIE færðu meira magn fyrir peninginn. Með NORMA leggurðu meira í litstyrk og úrval litarefna. Það getur skipt máli þegar lítill skammtur af lit á að hafa mikil áhrif í blöndu.

Berðu saman eiginleikana, ekki bara stærð túpunnar. Þekja fer líka eftir litarefninu: gegnsær litur er ekki lélegur þótt hann hylji ekki undirlagið. Hann getur einmitt verið rétti liturinn þegar þú vilt byggja upp dýpt í þunnum lögum.

Þú þarft heldur ekki að skipta út öllum litunum í einu. Byrjaðu á einum eða tveimur NORMA-litum sem þú notar oft og prófaðu þá við hlið AKADEMIE í eigin verkum.

Schmincke MUSSINI · lúxuslínan okkar

MUSSINI: fyrir þig sem langar í það allra fínasta

MUSSINI er línan sem við viljum sýna þér þegar þú spyrð um það allra besta. Þetta eru úrvals litir með langa sögu og eiginleika sem gera þá sérstaklega spennandi fyrir fólk sem hefur ánægju af efninu sjálfu.

Sérstaðan liggur í bindiefninu. Schmincke blandar völdum jurtaolíum við náttúrulega dammartrjákvoðu og aðlagar uppskriftina að hverjum lit. Sú samsetning gefur MUSSINI sín sérstöku málunareinkenni og stuðlar að jöfnum þornunarferli.

Línan er sérstaklega heillandi fyrir gegnsæ litalög, þar sem liturinn undir fær að skína í gegn og myndin öðlast dýpt smám saman. Ef þú laðast að ríkum tónum, fíngerðum litabreytingum og ljóma í málverki er auðvelt að skilja af hverju okkur langar að kynna MUSSINI betur.

Hjá okkur fæst MUSSINI sem stendur aðeins í settum. Settið með 12 × 15 ml túpum er falleg leið til að kynnast línunni og sérlega góð gjöf fyrir einhvern sem elskar olíumálun. Það má líka alveg gefa sjálfum sér það.

Kynnast MUSSINI – 12 lita sett

Opið Schmincke MUSSINI sett með 12 olíulitum í 15 ml túpum. — Smá sýnishorn af því sem MUSSINI hefur upp á að bjóða. Hjá okkur fæst línan aðeins í settum enn sem komið er.

Okkur dreymir svolítið um heila hillu af MUSSINI-túpum. Ef þig langar að sjá staka liti hjá okkur máttu endilega láta okkur vita. Við erum að hlusta.

AKADEMIE, NORMA og MUSSINI í samanburði

Lína	Helsti styrkur	Við mælum með henni fyrir…	Hjá okkur
AKADEMIE	Góðir olíulitir og hagkvæmt magn.	Nám, æfingar og reglulega málun á viðráðanlegu verði.	Stakir litir í 60 og 200 ml túpum.
NORMA Professional	Mikill litstyrkur, fjölbreytt litaval og smjörkennd áferð.	Þig sem vilt meira úr litablönduninni og vönduð efni til að þróa málunina.	35 ml túpur og valdir litir í 200 ml.
MUSSINI	Úrvals olíu- og trjákvoðulitir; dýpt og ljómi í gegnsæjum lögum.	Þig sem vilt kynnast lúxuslínu með sérstaka uppskrift og langa hefð.	Aðeins í settum.

NORMA Professional og MUSSINI eru báðar úrvals línur. Val á milli þeirra snýst líka um persónulegan smekk og málunaraðferð: MUSSINI inniheldur dammartrjákvoðu, en NORMA Professional byggir á jurtaolíum án þeirrar viðbótar.

Spurning sem við fáum reglulega

„En á YouTube sögðu þau að blýhvítt væri best…“

Af og til kemur einhver í verslunina í leit að blýhvítum olíulit. Oft hefur viðkomandi horft á kennslumyndband þar sem hann er kynntur sem leyndarmálið á bak við fallegustu málverkin. Við skiljum freistinguna. Hver vill ekki finna þessa einu töfratúpu?

En við seljum ekki blýhvítt og ætlum ekki að taka það inn. Blý er eitrað, getur safnast upp í líkamanum og valdið alvarlegum skaða, meðal annars á taugakerfi og nýrum. Áhættan er sérstaklega mikil fyrir börn og á meðgöngu. Það er góð ástæða fyrir því að við veljum annan kost.

Við elskum gömlu meistarana. Við þurfum samt ekki að erfa alla vinnustofusiði þeirra.

Flake White Hue: fallegur hvítur litur, án blýs

Flake White Hue frá Schmincke er þróaður sem blýlaus valkostur við hefðbundið blýhvítt. Hann er hlýr og hálfþekjandi, gerður úr títanhvítu og sinkhvítu í safflorolíu.

Hann lýsir blöndur mildar en títanhvítt og þekur minna. Það er áhugavert þegar þú vilt lýsa húðtóna, fínstilla gráa tóna eða færa lit smám saman í ljósari átt. Í blöndum gefur hann mjúka, smjörkennda áferð og getur flýtt fyrir þornun.

Hue segir hér að um staðgengil sé að ræða. Hann býður upp á marga af þeim málunareiginleikum sem fólk sækist eftir í blýhvítu, en er annað litarefnakerfi og því ekki alveg sami liturinn.

Falleg málun þarf ekki að innihalda blý.

Skoða Flake White Hue 120 ml

Schmincke Flake White Hue túpur; blýlaus hvítur olíulitur. — Varan sem við kynnum hér er 120 ml túpa. Hlýr hvítur tónn fyrir mjúkar litablöndur.

Algengar spurningar um val á olíulitum

Hvaða olíuliti ætti byrjandi að velja?

AKADEMIE er góður upphafspunktur. Veldu fáeina liti sem gefa þér fjölbreytta blöndunarmöguleika og bættu við eftir því sem þú kynnist eigin vinnubrögðum. NORMA Professional hentar líka byrjendum sem vilja strax fjárfesta í úrvals málningu.

Má blanda AKADEMIE, NORMA og MUSSINI saman?

Já. Þessar línur má blanda saman og nota í sama málverki. Þú getur því haldið áfram að nota litina sem þú átt og bætt við nýjum eiginleikum smám saman.

Er NORMA Professional það sama og NORMA Blue?

Nei. Hér erum við að bera saman hefðbundna NORMA Professional olíuliti. NORMA Blue er sérstök lína vatnsblandanlegra olíulita fyrir þau sem vilja geta þynnt málninguna með vatni.

Þarf dýrasta línan alltaf að vera rétta valið?

Verkefnið og vinnubrögðin ráða miklu. Fyrir margar æfingar eða stóra fleti getur meira magn af AKADEMIE verið skynsamlegast. NORMA er góður kostur þegar litstyrkur og fjölbreytt litaval vega þungt. MUSSINI er svo línan sem við mælum með að þú kynnist þegar þig langar í eitthvað sérstaklega vandað og heillandi.

Komdu og spjöllum um olíuliti

Segðu okkur hvað þig langar að mála og hvað þú hefur notað hingað til. Við hjálpum þér að velja liti sem henta verkefninu og fjárhagnum, hvort sem þú ert að kaupa fyrstu túpurnar eða bæta einhverju sérstöku á pallettuna.

Skoðaðu úrvalið á netinu eða komdu við í Myndlistarvöruversluninni. Og ef þú ert enn að hugsa um MUSSINI-settið, þá skiljum við þig vel.

Skoða olíuliti Skoða MUSSINI-settið

Efnisupplýsingar: Schmincke um AKADEMIE, NORMA Professional, MUSSINI og Flake White Hue. Um heilsufarsáhrif blýs: Alþjóðaheilbrigðismálastofnunin (WHO).