Hvaða akrýlliti á að velja?

Góðir akrýllitir eiga að henta því hvernig þú málar. Viltu fá mesta mögulega litstyrk, finna góða liti á viðráðanlegu verði eða eiga nóg af málningu til að vinna stórt og frjálslega?

Við höfum valið fjórar akrýllitalínur sem mæta ólíkum þörfum. Hér segjum við frá því hvað við kunnum að meta við hverja þeirra, hverjum við mælum með henni fyrir og hvenær það borgar sig að fjárfesta í vandaðri málningu.

Hvaða lína hentar þér?

Fínasti kosturinnSchmincke PRIMAcrylFyrir þig sem leggur mest upp úr litstyrk, litablöndun og eiginleikum málningarinnar. Mikið fyrir peninginnRenesans Maxi AcrilOkkar meðmæli þegar þú vilt góða akrýlliti og halda kostnaðinum í hófi. Pláss fyrir æfingarRenesans A’KRYL200 ml túpur fyrir nám, tilraunir og verkefni þar sem mikið fer af málningu. Stór verk og áferðSennelier AbstractÞykk Heavy Body málning í 500 ml pokum fyrir pensla, spaða og breiða fleti.

Schmincke · 60 ml

PRIMAcryl: þegar þú vilt það allra besta

PRIMAcryl Professional er fínasta akrýllitalínan í úrvalinu okkar. Þetta eru litirnir sem við mælum með þegar gæði málningarinnar eru í fyrsta sæti. Þeir eru litsterkir, þykkir og halda vel pensilförum og áferð eftir málningarspaða.

Hátt litarefnisinnihald gefur mikið svigrúm í blöndun. Litirnir breytast líka lítið við þornun, svo auðveldara er að meta tóninn meðan þú vinnur. Allir litir línunnar hafa 4 eða 5 stjörnur í ljósþolsflokkun Schmincke.

Þú þarft ekki að vera atvinnulistamaður til að njóta þeirra. Ef þú ert rétt að prófa akrýlmálun getur þó verið skynsamlegt að byrja á ódýrari línu og kynnast efninu. Þegar þú veist betur hvað þú sækist eftir verður auðveldara að finna hvað PRIMAcryl hefur fram að færa.

Skoða PRIMAcryl 60 ml

Schmincke PRIMAcryl Professional akrýllitur í 60 ml túpu.
Úrvals akrýllitir fyrir þig sem vilt fá sem mest úr hverri litablöndu.

Af hverju getur dýrari túpa nýst betur?

Magn málningar og litstyrkur eru ekki það sama. Litsterk málning getur gefið tilætlaðan tón með minna magni í blöndu. Þess vegna segir verð á millilítra aðeins hluta sögunnar.

Okkur finnst PRIMAcryl sérstaklega drjúgir í notkun. Það er einn helsti kosturinn við línuna: þú kaupir mikið af litstyrk í hverri túpu. Nýtingin fer þó eftir litnum, undirlaginu og því hvort þú vinnur þunnt eða byggir upp þykka áferð.

Góð leið til að kynnast muninum er að byrja á einum lit sem þú notar oft og prófa hann við hlið þess sem þú átt. Berðu saman litinn beint úr túpunni og blandaðu síðan litlu magni í hvítt. Þannig sérðu hvernig hann hegðar sér í þinni eigin málun.

Renesans · 60 ml

Maxi Acril: okkar val fyrir góð kaup

Maxi Acril er línan sem við mælum sérstaklega með þegar þú vilt mikið fyrir peninginn. Hún hentar vel fyrir fyrstu málverkin, reglulega málun og alla sem vilja eiga gott úrval lita án þess að eyða öllum peningunum í túpur.

Litirnir koma í 60 ml áltúpum og þorna með hóflegum, jöfnum gljáa. Þú getur blandað eigin tóna, unnið með pensli eða prófað áferð og lagað málninguna að verkinu með akrýlmiðlum.

Við höfum sjálf kunnað betur við Maxi Acril en þá akrýlliti frá Winsor & Newton sem við höfum notað. Að okkar mati eru þetta sérlega góð kaup: málning sem við mælum með af sannfæringu, líka við fólk sem hefur málað lengi.

Skoða Maxi Acril 60 ml

Renesans Maxi Acril akrýllitur í 60 ml túpu.
Góður kostur fyrir litablöndun, æfingar og fullunnin málverk.

Renesans · 200 ml

A’KRYL: meira magn til að mála og prófa

Stundum skiptir mestu að eiga nóg af málningu. A’KRYL er hagkvæmur kostur fyrir nám, reglulegar æfingar og stærri fleti. Í 200 ml túpu er gott magn til að prófa hugmyndir, endurvinna verk og kynnast litablöndun.

Litirnir blandast auðveldlega saman og þorna með léttri satínáferð. Þú getur líka blandað þeim með öðrum akrýllitum. Stærðin hentar sérstaklega vel fyrir liti sem þú notar mikið af.

Ef þú ert að velja á milli Renesans-línanna myndum við mæla með Maxi Acril fyrir góða byrjun á fjölbreyttri litatöflu, en A’KRYL þegar magn og lágt verð á millilítra vega þyngra.

Skoða A’KRYL 200 ml

Renesans A’KRYL akrýllitir í 200 ml túpum.
Stærri túpur gefa þér svigrúm til að mála mikið og prófa þig áfram.

Sennelier · 500 ml

Abstract: fyrir stórar hugmyndir og sýnileg pensilför

Abstract Heavy Body er þykkur, kremkenndur akrýllitur sem gaman er að vinna með á stærri flötum. Hann heldur förum eftir áhöldin og hentar vel þegar áferðin á að vera hluti af myndinni.

500 ml pokarnir eru þægilegir þegar mikið fer af einum lit. Þú getur kreist málninguna á pallettuna eða beint á flötinn og unnið áfram með breiðum pensli eða spaða. Sveigjanlegar umbúðirnar gera þér líka kleift að kreista innihaldið vel úr þeim.

Þetta er okkar tillaga þegar þig langar að vinna stórt, nota ríkulega málningu og láta hreyfingu handarinnar sjást. Abstract hentar jafnt fyrir hlutbundin verk og óhlutbundna málun.

Skoða Abstract Heavy Body 500 ml

Sennelier Abstract Heavy Body akrýllitur í 500 ml poka.
Þykk málning og stórar umbúðir fyrir frjálsa vinnu með pensli og spaða.

Akrýllitirnir í samanburði

Lína Stærð Helsti styrkur Við mælum með henni fyrir…
PRIMAcryl 60 ml Úrvalsgæði, mikill litstyrkur og þykk áferð. Þig sem vilt fjárfesta í bestu akrýllitunum í úrvalinu okkar.
Maxi Acril 60 ml Góð gæði á viðráðanlegu verði. Byrjendur og vana málara sem vilja góð kaup.
A’KRYL 200 ml Hagkvæmt magn í stórri túpu. Nám, æfingar og verkefni þar sem mikið fer af málningu.
Abstract Heavy Body 500 ml Þykk, kremkennd málning í sveigjanlegum poka. Stærri verk, breið pensilför og vinnu með spaða.

Gott að vita áður en þú velur

Hvaða akrýllitir henta best fyrir byrjendur?

Við mælum gjarnan með Maxi Acril. Þú færð góða liti til að kynnast blöndun og pensilvinnu á viðráðanlegu verði. A’KRYL er líka skynsamlegur kostur ef þú ætlar að mála mikið eða vinna á stærri fleti. Byrjaðu á fáeinum vel völdum litum og bættu við þegar þú finnur hvað vantar.

Þarf ég að velja alla litina úr sömu línu?

Nei. Þú getur byggt upp litatöflu sem hentar bæði verkefnunum og fjárhagnum. Til dæmis má velja stærri umbúðir af litum sem mikið fer af og prófa PRIMAcryl í fáeinum litum til að byrja með.

Eru þykkir akrýllitir alltaf meira þekjandi?

Þykkt og þekja eru ólíkir eiginleikar. Heavy Body lýsir þykkri áferð málningarinnar. Þekjan fer meðal annars eftir litarefninu og getur verið mismunandi innan sömu línu. Skoðaðu merkingar á túpu eða litakorti þegar þú vilt sérstaklega þekjandi eða gegnsæjan lit.

Hvernig breyti ég flæði eða áferð?

Veldu íblöndunarefni fyrir akrýlliti eftir því sem þú vilt gera: auka flæði, vinna gegnsæ lög eða byggja upp áferð. Fylgdu leiðbeiningum viðkomandi miðils og prófaðu litla blöndu fyrst.

Komdu og finndu þína liti

Segðu okkur hvað þig langar að mála og hvernig þér finnst best að vinna. Við hjálpum þér að velja liti, pensla og undirlag sem henta þér. Þú ert velkomin í Myndlistarvöruverslunina eða getur skoðað línurnar hér að ofan og pantað á netinu.

Uppgötvaðu PRIMAcrylFinndu þína Maxi Acril liti

Nánar um eiginleika litanna hjá framleiðendum: Schmincke PRIMAcryl, Renesans Maxi Acril, Renesans A’KRYL og Sennelier Abstract.

Gjafahugmyyndir

Skoða allt