Vatnslitir - 6 vikna framhaldsnámskeið með Maríu [13.10–17.11.2026]

Vatnslitaklúbburinn – litagleði og flæði með Maríu Gísladóttur

Langar þig að losa um pensilinn, þora meira með litina og finna þinn eigin takt í vatnslitamálun? Í Vatnslitaklúbbnum hittumst við í litlum, notalegum hópi og prófum frjálslegar aðferðir þar sem litir, línur og hugmyndir fá að njóta sín.

Þetta sex vikna framhaldsnámskeið er ætlað þér sem hefur lokið byrjendanámskeiði eða hefur grunnreynslu af vatnslitum. María Gísladóttir leiðir hópinn í gegnum tvö meginverkefni: litríka mynd þar sem vatnslitir og pennar mætast og flæðandi vatnslitaverk með áherslu á hreyfingu, andstæður og ljós.

Við vinnum út frá eigin fyrirmyndum, til dæmis dýrum eða fuglum. Áherslan er á að prófa, uppgötva og þróa persónulega túlkun með leiðsögn Maríu og uppbyggilegri umræðu í hópnum.

• Lengd: 6 vikur, einn þriggja klukkustunda tími á viku, samtals 18 klst. með hléi.
• Kennari: María Gísladóttir.
• Dagsetningar: Þriðjudagar 13., 20. og 27. október og 3., 10. og 17. nóvember 2026.
• Tímasetningar: Kl. 18:00–21:00.
• Hópstærð – tillaga: Hámark 12 þátttakendur.
• Staðsetning – tillaga: Artsupplies.is, Laugarnesvegur 74a, Reykjavík.
• Verð: 74.999 kr. 

Þú færð að æfa þig í að:

• Einfalda fyrirmynd og byggja upp áhugaverða myndheild.
• Sameina vatnsliti, vatnsheldan tússpenna og gelpenna.
• Stýra hlutfalli vatns og litar, frá léttum þvotti yfir í þéttari lit.
• Mála blautt í blautt og leyfa litunum að flæða.
• Nota hvítan olíupastel til að varðveita ljós og mynda áferð.
• Móta form með negatífri málun. Með því að mála svæðin í kringum þau.
• Meta eigin verk og velja næstu skref með meiri sjálfsöryggi.

Dagskrá

13. október – Litagleði, fyrirmyndir og frjálsleg nálgun.
Við skoðum fyrirmyndir, ræðum myndbyggingu og kynnumst frjálslegri nálgun innblásinni af California Vibe. Stuttar æfingar hjálpa okkur að losa um höndina og velja litastefnu.

20. október – Línur og fyrstu litafletirnir.
Við drögum upp fyrirmyndina og vinnum með vatnsheldan penna, 0,2–0,4 mm. Við prófum mismunandi hlutföll vatns og litar og leggjum fyrstu léttu litafletina.

27. október – Persónuleiki, litir og lokafrágangur.
Við þróum fyrsta verkið áfram, vinnum með andstæður og bætum við áherslum með vatnslitum og gelpenna. Í lok tímans skoðum við verkin saman og veljum fyrirmynd fyrir flæðisverkefnið.

3. nóvember – Flæði og blautt í blautt.
Við veljum tvo liti sem mynda skýrar andstæður og skipuleggjum ljós svæði með hvítum olíupastel. Síðan vinnum við á vel rökum pappír og könnum hvernig litirnir blandast og hreyfast.

10. nóvember – Form, dýpt og negatíf málun.
Við þróum flæðisverkið áfram, mótum form með því að mála í kringum þau og finnum jafnvægi milli lausra flata og skýrra áherslna. Tími gefst til að vinna áfram í báðum verkefnum.

17. nóvember – Lokafrágangur og næstu skref.
Við ljúkum verkum, skoðum samspil ljóss og skugga og ræðum það sem hefur komið í ljós. Hver þátttakandi fær uppbyggilega endurgjöf og hugmyndir að áframhaldandi æfingum.

Undirbúningur og efni

Komdu með nokkrar skýrar ljósmyndir sem þig langar að vinna út frá, helst einföld dýra- eða fuglamynd. Fyrir flæðis verkefnið hentar mynd með skýrum ljós- og skuggasvæðum og tilfinningu fyrir hreyfingu. María kemur einnig með fyrirmyndir.

Ráðlagður búnaður er vatnslitir, vatnslitapenslar, 300 g/m² vatnslitapappír, vatnsheldur svartur penni (0,2–0,4 mm), hvítur gelpenni, hvítur olíupastellitur og blýantur. Fyrir fyrra verkefnið er miðað við tvö gul, tvö rauð, bleikan og tvo bláa liti; hægt er að nýta liti sem þú átt þegar og velja úr þeim með kennara.

Tillaga að efnisfyrirkomulagi – þarf staðfestingu: Grunnáhöld og takmarkað magn efna verða til afnota í tímum. Áhöld verslunarinnar eru ekki tekin með heim. Þú getur komið með eigin efni eða keypt valfrjálsan viðbótarpakka fyrir námskeiðið og heimavinnu.

Um Maríu

María Gísladóttir er fædd á Ísafirði og ólst upp í Laugarneshverfinu í Reykjavík. Áhugi hennar á teikningu kviknaði snemma og íslenski hesturinn var meðal fyrstu uppáhaldsviðfangsefna hennar. Hún stundaði nám á listasviði við Fjölbrautaskólann í Breiðholti og síðar diplómanám við Myndlistaskólann í Reykjavík.

María hefur búið meðal annars í Ísrael, Egyptalandi, Sýrlandi og Króatíu og sú reynsla hefur mótað myndlist hennar. Hún vinnur með fjölbreytta miðla, þar á meðal vatnsliti, olíuliti, pastel og klippitækni. Hún hefur tekið þátt í einka- og samsýningum hérlendis og erlendis og er félagi í Vatnslitafélagi Íslands.

Myndir sýna verk kennarans og dæmi um aðferðir námskeiðsins.