Hvaða vatnsliti á að velja?

Sumir vatnslitir gefa þér skýrar litablöndur. Aðrir láta heila fjallshlíð birtast í einu pensilfari. Rétta valið fer eftir því hvort þú vilt byggja upp góða grunnpallettu, fá sem mest fyrir peninginn eða leyfa áferðinni að koma þér á óvart.

Hjá okkur er hægt að fara allar þessar leiðir. Hér kynnum við HORADAM, HORADAM Supergranulating, Renesans Intense Water og Daniel Smith PrimaTek, ásamt Lunar-litunum úr Extra Fine-línunni sem eru væntanlegir. Hver lína hefur sinn karakter og það má alveg eiga sér fleiri en eitt uppáhald.

Hvaða vatnslitir henta þér?

Vandaður grunnurHORADAM AQUARELLFjölhæfir úrvals vatnslitir fyrir litablöndun, nákvæma vinnu og frjálsa málun. Sérlega mikið fyrir peninginnRenesans Intense WaterLitsterkir vatnslitir í 15 ml túpum. Okkar eindregnu meðmæli þegar gæði og verð þurfa að fara vel saman. Landslag og áferðHORADAM SupergranulatingDýrari litir með stórkostlegu litspili fyrir kletta, fjöll, gróður og veðraða fleti. Steinefni og tilraunirDaniel Smith PrimaTekÓvenjulegir litir úr steinefnum fyrir þig sem vilt uppgötva hvað efnið getur gert. VæntanlegtDaniel Smith Extra Fine – LunarÁferðarríkir litir með mikilli kornun. Væntanlegir mjög fljótlega.

Schmincke · úrvals vatnslitir

HORADAM: grunnpalletta sem vex með þér

HORADAM AQUARELL er okkar tillaga þegar þú vilt byggja upp vandaða og fjölhæfa vatnslitapallettu. Línan gefur þér mikið svigrúm til að velja litarefni eftir eigin vinnubrögðum, hvort sem þú málar blóm, portrett, landslag eða skissar á ferðalagi.

Í úrvalinu eru bæði sléttir og kornandi litir. Marga má blanda í skýra, líflega tóna og málninguna er auðvelt að bleyta aftur eftir að hún þornar. Schmincke notar sömu uppskrift fyrir túpur og kubba, svo formið snýst fyrst og fremst um hvernig þér finnst þægilegast að vinna.

Ef þú vilt gott sett til að byrja á og bæta svo við stökum litum er HORADAM falleg leið. Þú þarft ekki að kaupa alla litina í einu; veldu góðan grunn og leyfðu reynslunni að segja þér hvað vantar næst.

Skoðaðu HORADAM eftir litafjölskyldum:

Gulir og appelsínugulir Rauðir Bláir og fjólubláir Grænir Brúnir Svartir, gráir og hvítir Gull, silfur og flúrlitir

Skoða HORADAM 12 lita settið

Schmincke HORADAM vatnslitir í túpum og kubbum með blárri litaprufu.
HORADAM fæst hjá okkur í túpum, hálfum kubbum og settum.

Renesans · 15 ml · okkar meðmæli fyrir góð kaup

Intense Water: þessir litir eiga skilið meiri athygli

Ef við ættum að benda á eina vatnslitalínu sem fólk ætti að kynnast betur, væri Intense Water ofarlega á listanum. Okkur finnst hlutfall verðs og gæða einfaldlega frábært. Þú færð fallega, litsterka vatnsliti í rausnarlegum 15 ml túpum á verði sem gerir auðveldara að byggja upp eigið litaval.

Intense Water frá pólska framleiðandanum Renesans er lína fyrir metnaðarfulla vatnslitamálun. Margir litirnir byggja á einu litarefni, sem auðveldar þér að kynnast eiginleikum hvers litar og halda utan um litablöndurnar. Í bindiefninu eru arabískt gúmmí og hunang, og litina má bleyta aftur eftir þornun á pallettunni.

Við mælum með þeim fyrir byrjendur sem vilja byrja með góð efni, fyrir vana málara sem nota mikið af lit og fyrir alla sem vilja prófa nýja tóna án þess að hver túpa verði stór fjárfesting.

Góða verðið er ástæða til að prófa þá. Gæðin eru ástæða til að halda áfram að mála með þeim.

Kynnast Intense Water 15 ml

Renesans Intense Water vatnslitur í túpu með blárri litaprufu.
Intense Water: litir sem við viljum gjarnan sjá á fleiri pallettum.

Þekkirðu Roman Szmal eða White Nights? Kynntu þér líka Renesans

Mið- og Austur-Evrópa á ríka vatnslitahefð. Í Póllandi má til dæmis sjá hana í landslagsmyndum Julians Fałat, þar sem snjór, vatn og ljós verða að viðfangsefni heilla myndheima. Á þessu svæði er líka mikil þekking á framleiðslu listamannalita, þótt vörumerkin séu misþekkt hér á landi.

Julian Fałat, Zima. Vatnslitamynd af snævi þöktu þorpi með hesti og sleða.
Julian Fałat, „Zima“. Vatnslitur, 20 × 38 cm.

Þú gætir hafa rekist á pólska Roman Szmal Aquarius eða White Nights frá Nevskaya Palitra í Sankti Pétursborg. Renesans er annað pólskt nafn sem vert er að þekkja. Hjá okkur viljum við sérstaklega beina athyglinni að Intense Water: vönduðum vatnslitum sem sýna hversu góð kaup má finna þegar maður skoðar fleiri nöfn en þau kunnuglegustu.

Schmincke · HORADAM Supergranulating · 15 ml

Supergranulating: landslagið fær að gerast á blaðinu

Já, þetta eru dýrari vatnslitir. En fyrir landslagsmálara geta þeir verið algjör fjársjóður. Hér er áferðin stór hluti af litnum: korn og ólíkir blæir koma fram þegar vatnið þornar og gefa einföldum litafleti ótrúlegt líf.

Supergranulating-litirnir eru hluti af HORADAM-fjölskyldunni og byggja á litarefnum með áberandi kornun. Í mörgum litanna sjást líka ólíkir litblæir skiljast að. Vatnsmagn og áferð pappírsins hafa áhrif á niðurstöðuna.

Okkur finnast þeir sérstaklega spennandi fyrir íslenskt landslag: hrjúfa kletta, mosa, mela, jökulskugga og fjallshlíðar sem breyta um lit með birtunni. Þemu eins og Tundra, Glacier, Forest og Volcano gefa strax hugmyndir að því hvert hægt er að fara.

Þú þarft ekki heilt sett til að finna muninn. Einn eða tveir vel valdir litir geta bætt nýrri vídd við pallettuna sem þú átt. Prófaðu þá í forgrunni eða klettum og láttu sléttari litafleti mynda mótvægi í himninum.

Skoða HORADAM Supergranulating

HORADAM Supergranulating Forest Olive með kornandi grænni litaprufu.
Litbrigði og áferð úr einni túpu. Leyfðu vatninu að vinna með þér.

Hvað er kornun í vatnslitum?

Kornun, eða granulation, verður þegar litarefnisagnir dreifast og setjast ójafnt á pappírinn og mynda sýnilega áferð. Hún getur minnt á stein, sand eða fíngerða flekki. Kornun er eiginleiki litarins; sléttur litur getur verið jafn vandaður og kornandi litur.

Til að kynnast áhrifunum skaltu mála litaprufu á vatnslitapappír með áferð, prófa mismikið vatn og leyfa henni að þorna án þess að vinna sífellt yfir hana. Margt af því áhugaverðasta kemur fram þegar þú leggur pensilinn frá þér.

Daniel Smith · PrimaTek · 15 ml

PrimaTek: litir fyrir forvitna málara

PrimaTek er línan fyrir þig sem vilt skoða, prófa og láta efnið koma þér á óvart. Litirnir eru unnir úr steinefnum og margir þeirra hafa áberandi kornun, náttúrulegt litspil og mjög sérstakan karakter.

Hér snýst valið síður um að eignast alla hugsanlega grunnliti og meira um að finna nokkra sem vekja forvitni. Serpentine Genuine er til dæmis grænn litur sem getur myndað örsmáa rauðleita flekki í kornuninni. Slík tilbrigði geta gefið gróðri eða landslagi líf án þess að þú málir hvert smáatriði sérstaklega.

Með takmarkaðri pallettu fær hver litur meira rými. Prófaðu þéttan lit, ljósa þynningu og svo blöndu af tveimur litum. Eiginleikar PrimaTek eru mismunandi milli lita, svo það borgar sig að skoða litaprufur og velja eftir áhrifunum sem þú sækist eftir.

Uppgötvaðu PrimaTek-litina

Daniel Smith PrimaTek Amazonite Genuine 15 ml með grænblárri litaprufu.
PrimaTek-litirnir hafa ólíka eiginleika. Veldu litinn eftir litaprufunni og því sem þig langar að gera.

Væntanlegt mjög fljótlega

Daniel Smith Extra Fine: Lunar-litir á leiðinni

Ef þú hefur gaman af kornun skaltu hafa augun á Lunar-litunum. Þeir tilheyra Extra Fine-línu Daniel Smith og bjóða upp á mikla áferð, dökka tóna og fínlegar breytingar þegar þeir eru þynntir.

Þeir eru önnur leið að áferð en PrimaTek. Lunar er heiti á þessum hópi lita og áhrifunum sem þeir skapa; þeir eru ekki gerðir úr tunglsteinum, þó stundum megi halda það þegar litaprufan þornar.

  • Lunar Black: svartur litur með sterkri kornun sem getur líka gefið litablöndum nýja áferð.
  • Lunar Earth: hlýr jarðtónn, skyldur brenndri sienu í lit, fyrir áferð sem minnir á sand og jarðveg.
  • Lunar Red Rock: djúpur rauðfjólublár jarðtónn með kornun, spennandi fyrir kletta og hlýja fleti.
  • Lunar Violet: frá dökkum, þéttum tónum yfir í mjúka fjólubláa þynningu.
  • Lunar Blue: blár undirtónn með dökkri kornun, heillandi fyrir skugga og rökkurstemningu.

Þessir fimm Lunar-litir í 15 ml túpum eru væntanlegir og ekki komnir í sölu enn. Lavender kemur einnig í sömu Extra Fine-sendingu, en er ekki hluti af Lunar-hópnum.

Á meðan geturðu skoðað Daniel Smith litina og settin sem eru þegar í úrvalinu.

Vatnslitalínurnar í samanburði

Lína Helsti styrkur Við mælum með henni fyrir…
HORADAM AQUARELL Fjölhæft úrval fyrir litablöndun og ólíkar aðferðir. Vandaða grunnpallettu sem þú byggir áfram á.
Intense Water Sérlega gott hlutfall verðs og gæða; 15 ml túpur. Byrjendur og vana málara sem vilja góða liti á viðráðanlegu verði.
HORADAM Supergranulating Mikil kornun og litspil. Landslag, kletta, gróður og lifandi yfirborð. Dýrari sérlitir sem má bæta við fáa í einu.
Daniel Smith PrimaTek Steinefnalitarefni og óvenjulegir eiginleikar. Tilraunir, náttúrulega áferð og myndir með takmörkuðu litavali.
Daniel Smith Lunar Áferðarríkir litir úr Extra Fine-línunni. Skugga, jarðtóna og kornun. Væntanlegir mjög fljótlega.

Hvernig myndum við byrja?

Fyrir góð kaup: veldu fáeina Intense Water-liti og góðan vatnslitapappír. Þannig færðu vönduð efni og svigrúm til að mála mikið.

Fyrir fjölhæfa úrvals pallettu: byrjaðu á HORADAM og bættu við litum eftir þínum viðfangsefnum.

Fyrir landslag og tilraunir: haltu í grunnlitina sem þú átt og bættu við einum eða tveimur Supergranulating- eða PrimaTek-litum. Það getur verið nóg til að breyta því hvernig þú vinnur með kletta, jörð og gróður.

Pappírinn skiptir miklu máli, sérstaklega þegar þú sækist eftir kornun. Skoðaðu vatnslitapappír og prófaðu litina á því undirlagi sem þú ætlar að nota í verkið.

Finndu vatnslitina sem þig langar að mála með

Komdu við og segðu okkur hvað þig langar að prófa. Við hjálpum þér að velja liti eftir viðfangsefni, áferð og fjárhag, hvort sem þú ert að kaupa fyrstu túpurnar eða leita að einhverju alveg sérstöku.

Þú getur líka skoðað úrvalið á netinu. Og ef Intense Water hefur hingað til farið fram hjá þér, þá er þetta okkar vinalega ábending um að staldra aðeins við þar.

Skoða vatnslitiGefðu Intense Water tækifæri

Nánari efnisupplýsingar: Schmincke HORADAM, Renesans Intense Water, Daniel Smith PrimaTek og Lunar Black. Um vatnslitahefðina í Póllandi: Julian Fałat-safnið.

Gjafahugmyyndir

Skoða allt